Imprimir
Dec
15

Comerciantes de Bueu, Cangas e Moaña organizan de novo polo Nadal a xincana infantil con moitos premios

cartel-xincana-2016 Large15/12/2016 Son 37 comercios de Moaña, 36 de Cangas e 22 de Bueu os que participan nesta actividade para os nenos e nenas da comarca.

 

 

 

 

 

 

Xoves, 15 de Decembro de 2016


“Mariñeir@s a bordo!”

mariñeiros a bordoMañá venres 16 de decembro arranca a xincana infantil “Mariñeir@s a bordo!” organizada a través de FECIMO - Federación de Comerciantes e Industriais do Morrazo coa colaboración de 95 comercios asociados e onde os cativos terán que resolver certas probas relacionadas co seu entorno e o idioma galego.

A federación propón por quinto ano consecutivo esta iniciativa coa que os nenos e nenas con idades comprendidas entre os 4 e os 14 anos se divirten durante o Nadal, convidándoos a utilizar o galego de xeito diario e normalizado.

Desta vez atoparanse con probas relacionadas coa cultura mariñeira e o vocabulario relacionado con ela (xeografía, animais mariños, embarcacións, artes de pesca, etc.) A organización pretende así familiarizalos dunha forma lúdica e participativa coa idiosincrasia das súas vilas.

É unha actividade cunha gran repercusión que move a nenos e familias tanto nos días que dura a xincana como nas actividades de animación que se realizan ao finalizar.
Por suposto, ademáis conséguese dar visibilidade aos establecementos asociados, pois os cativos deben percorrer as rúas de Bueu, Cangas e Moaña resolvendo as preguntas que se lles propoñen. As familias teñen oportunidade de interactuar co tecido empresarial da zona e coñecer a diversidade do comercio local.


Funcionamento - DESCARGA AQUÍ AS BASES

Existe unha xincana diferente para cada vila: en Bueu participan 22 empresas, en Cangas 36 e en Moaña 37.

A actividade dura 14 días, do 16 ao 29 de decembro.

Os nenos e nenas contan cun mapa e cartilla no que aparecen os establecementos participantes. FECIMO agradece a colaboración dos centros de ensino da comarca para a entrega deste material aos seus alumnos, apostando por esta actividade cutural. Tamén estarán dispoñibles para recoller nas tendas.

A mecánica do xogo é sinxela: en cada tenda que teñen marcada no mapa hai unha proba diferente que deben resolver. Se acertan, recibirán un selo na casilla correspondente. Así, ata que consigan resolver tantas probas como lle son requeridas nas instrucións.

Unha vez conseguido resolver as probas, cubrirán o folleto cos seus datos persoais e o depositarán en calquera das tendas participantes, ou ben o día do sorteo de premios na furna habilitada pola organización.

 

Sorteo de premios

Unha vez finalizado o prazo para facer as probas, realizarase un sorteo en cada vila cos mapas recibidos, no marco dunha gran festa con actividades de animación para todos.

Os premios a entregar serán:
1º Premio: unha Tablet
2º Premio: Unha gran cesta de Nadal infantil

E outros premios sorpresa para os participantes que asistan á festa de animación.

As datas e localizacións dos sorteos serán:

- Luns 2 de xaneiro en Bueu a partir das 17:00h, na Praza do Concello
- Martes 3 de xaneiro en Cangas a partir das 17:00h na Alameda Vella
- Mércores 4 de xaneiro en Moaña a partir das 17:00h no Palco da Música

No caso de mal tempo informarase do cambio de ubicación na páxina de facebook: “Vive O Morrazo”.

Os establecementos xa están preparados coas probas a visita dos cativos, desexando que os maiores da casa tamén se animen a xogar e que aposten nestas datas polo comercio local e de proximidade.

Esta campaña está incluida no Proxecto de Dinamización de FECIMO 2016 para accións de incentivación da demanda comercial da comarca do Morrazo que conta co financiamento da Xunta de Galicia a través da Dirección Xeral de Comercio, da Deputación de Pontevedra e de ABANCA.

 

Sharesubmit to reddit

Escribir un comentario

hola


Código de seguridad
Refescar

Seccións Principais

asociadosnuevo
cursosnuevo
conveniosnuevo
bannerlateralinformacion
galeriasdefotos
axudaselexislacion
videotecanuevo
enlaceswebnuevo