Fecimo – Federación de Comerciantes e Industriais do Morrazo – presenta a campaña “Que non che rouben a primavera do Comercio Local” co inicio do mes de xullo e coa nova normalidade algo máis asentada trala situación de crise ocasionada polo Covid-19. 

Retómase a campaña de Primavera que se vira paralizada a causa da pandemia e do estado de alarma establecido a mediados de marzo, co obxectivo de apoiar ao comercio local do Morrazo reclamando a tempada que non se puido desfrutar este ano por mor do confinamento e premiando a fidelidade dos clientes que fan as súas compras ou contratan servizos nas empresas e negocios asociados á Federación.

A campaña, que estará vixente dende o 1 ao 21 de xullo, inclinouse por un claim que aporta ganas de sentir a primavera por parte dos clientes que estiveron confinados durante o estado de alarma e animalos para que aínda a poidan aproveitar, a pesares de estar en verán. 

Participan máis de 100 empresas puidendo combinar perfectamente a campaña coa época de rebaixas, de forma que o stock do material de primavera xenerado sexa máis doado de vender.

O sistema de participación, como en anteriores campañas, será mediante sorteo dixital a través da web www.comerciodomorrazo.com e se repartirán 800€ en cheques compra, para gastar no comercio local asociado, divididos en 4 premios de 75€ e 10 de 50€ entre os clientes que realicen as súas compras/servizos durante o período da campaña e validen na mesma web os códigos recibidos polo establecemento.

Os gañadores e gañadoras dos 14 premios da Campaña de Primavera 2020 pódense ver premendo na seguinte ligazón do álbum completo do perfil de Facebook do Comercio do Morrazo. Noraboa a tod@s e moitísimas gracias por participar apoiando e incentivando o consumo local da nosa comarca!