FORMACIÓN ON-LINE PARA A DIXITALIZACIÓN
FORMACIÓN ON-LINE PARA A DIXITALIZACIÓN
DAS EMPRESAS DO MORRAZO
Nesta páxina atoparás unha selección de cursos on-line creados a medida para cubrir as necesidades de aprendizaxe para a correcta dixitalización das empresas da nosa Comarca.
Este proxecto está promovido pola Mancomunidade do Morrazo e conta coa colaboración de Fecimo para a organización e xestión das accións formativas. A participación nestes CURSOS é gratuíta para as empresas ubicadas no Morrazo e inclúe o acceso ás sesións presenciais, vídeos, manuais, titorías individuais, test de avaliación e foros de debate.
CURSOS DISPOÑIBLES
DENDE O 5 DE OUTUBRO AO 28 DE DECEMBRO DE 2021
CÓMO SACAR PARTIDO DAS TÚAS REDES SOCIAIS
IMPARTIDO POR JAVIER ROCAMORA
“A estas alturas é evidente que estar presente nas redes sociais é unha necesidade para calquera negocio. Se é así, por que as redes sociais da maioría das empresas e comercios non funcionan? Que teño que facer para que as miñas redes sexan eficaces como ferramenta de promoción e mesmo de negocio?”
Con esta reflexión o noso relator JAVIER ROCAMORA, experto consultor e formador especialista en marketing online, xestión de redes sociais e comercio electrónico, nos achega o seu punto de vista técnico e profesional, co que axuda a entender mellor esta realidade asentada na imaxe e forma de venda do comercio local.
O curso ademais ten un gran compoñente practico no que cada un dos participantes poderá presentar o seu tipo de negocio para atopar novas estratexias e quen sen dubida, máis alá da teoría, axudará a acadar unha orientación axeitada para poder tomar as mellores decisións de cara o futuro dos vosos negocios.
O INICIO DO CURSO terá lugar O MARTES 5 de OUTUBRO ás 21.00 horas coa primeira de 12 sesións.
As sesións terán unha duración aproximada de 2 horas e celebraranse de xeito 100 % ONLINE por medio de Zoom.
Canles de Venda OnLine.
IMPARTIDO POR JAVIER ROCAMORA
Perfís dos compradores online. A Covid-19 e o boom da venda online. Sistemas de comercio electrónico: Tenda online propia, marketplaces, redes sociais e outras plataformas. Uso de Google My Business como punto de partida para cando un cliente ou potencial cliente nos busca na rede.
CANLES DE VENDA ONLINE
WhatsApp Business como ferramenta de comunicación co cliente e escaparate do catálogo online.
IMPARTIDO POR JAVIER ROCAMORA
Diferenzas entre WhatsApp e WhatsApp Business , que podo facer e que non.
Usos de Whatsapp Business para crear un catálogo de produtos que o cliente pode mercar. Marketing en Whatsapp. Integración online-offline básica usando Whatsapp.
WHATSAPP BUSINESS
Transformación de Facebook e Instagram en canles de venda.
IMPARTIDO POR JAVIER ROCAMORA
Creación de tendas en Facebook e Instagram con catálogos online de produtos, promoción e etiquetado de produtos, recomendacións de uso, opcións de marketing e publicidade en Facebook e Instagram.
TRANSFORMA FACEBOOK E INSTAGRAM
EN CANLES DE VENDA
Plataformas de pagamento online, custe e formas de uso.
IMPARTIDO POR JAVIER ROCAMORA
Presentación e análise de plataformas de pagamento con tarxeta de xeito non presencial: Vantaxes e inconvintes de cada unha.
Tarifas de uso e demanda dos usuarios: PayPal, Bizum, Twyp, Google Pay, Apple Pay, Pay by Link (Paycomet). TPVs virtuais en tendas online (Redsys).
PLATAFORMAS DE PAGAMENTO ONLINE
Solucións On-Line para o teletraballo en servizos profesionais (educación, servizos clínicos, entrenamento, asesoría…)
IMPARTIDO POR JAVIER ROCAMORA
Uso profesional de Zoom, Skype, GoogleMeet, GoogleClassroom. Ferramentas colaborativas de documentos na nube. Ferramentas de xestión de proxectos e equipos: Trello. Aspectos a ter en conta para unha boa videoconferencia.
SOLUCIÓNS ONLINE PARA O TELETRABALLO EN SERVIZOS PROFESIONAIS
Loxística de envíos e ferramentas de seguimento e control.
IMPARTIDO POR JAVIER ROCAMORA
Packaging, alternativas e métodos de envío, “click & collect”, loxística inversa. Podo cobrar os gastos de envío ou non?
Integración do seguimento de pedidos na tenda online.
LOXÍSTICA DE ENVÍOS E FERRAMENTAS DE SEGUIMENTO E CONTROL
Visión xeral e recomendacións para o desenvolvemento de tenda online
IMPARTIDO POR JAVIER ROCAMORA
Que elementos debe ter unha web de comercio electrónico para funcionar ben? Como se xestiona una tenda online? .Alternativas de creación de tenda online e plataformas: tendas na nube, WordPress+WooCommerce e PrestaShop. Visión de conxunto de Google Analytics: interpretación das estatísticas básicas.
VISIÓN XERAL E RECOMENDACIÓNS PARA O DESENVOLVEMENTO DE TENDA ONLINE
Fotografía de produto para web e redes sociais
IMPARTIDO POR DANI MARCOS
Cales son e como funcionan as regras de encadre nunha fotografía. Análise de diferentes fotografías e como aplicamos as regras nelas. Consellos para mellorar a composición. Veremos como traballar a Iluminación nas fotografías aproveitando a iluminación natural, aplicando iluminación artificial e que tipos de iluminación evitar.
FOTOGRAFÍA DE PRODUTO PARA WEB E REDES SOCIAIS
Atraer a novos clientes coa publicidade online (Facebook e Google Ads)
IMPARTIDO POR JAVIER ROCAMORA
Como facer campañas básicas en Facebook, Instagram e Google Ads. Sistemas de cálculo de prezos (CPC e CPM). Tipos de campañas. Creación de conta publicitaria, definición de audiencias e target, palabras clave e xestión de anuncios online.
ATRAER A NOVOS CLIENTES COA PUBLICIDADE ONLINE (FACEBOOK E GOOGLE ADS)
Edición de fotografía para web e redes sociais
IMPARTIDO POR DANI MARCOS
Edición básica para mellorar a foto por medio de app. Aclaración de dúbidas e preguntas.
As imaxes son o contido que consegue un maior alcance e ata o dobre de clics que as demais publicacións en webs e redes sociais. Neste curso veremos como facer unha edición básica para mellorar as fotos por medio de aplicacións e sacar o máximo proveito ao poder que teñen. Se cres que o deseño non é o teu forte, non te preocupes este curso é para tódolos niveis.
EDICIÓN DE FOTOGRAFÍA PARA WEB E REDES SOCIAIS
Estratexia de presenza On-Line e posicionamento en Google (SEO)
IMPARTIDO POR JAVIER ROCAMORA
Aspectos básicos do funcionamento do algoritmo de Google. Optimización de web e definición de palabras clave para aparecer nos resultados de búsqueda cun bo posicionamento. Ferramentas básicas de SEO. Outros aspectos que axudan ao posicionamento.
ESTRATEXIA DE PRESENZA ONLINE E POSICIONAMENTO EN GOOGLE (SEO)
Interacción cos posibles clientes. Presenza nas redes sociais.
IMPARTIDO POR JAVIER ROCAMORA
En que redes sociais debe estar a miña empresa, Plan de contidos e tipoloxía das publicacións. Como, cando e que publicar en cada rede. Uso profesional de Facebook, Instagram, Twitter, LinkedIn e YouTube. Xestión de reputación online e comunicación de crise. Como facer unha análise de resultados.
INTERACCIÓN COS CLIENTES. PRESENZA NAS REDES SOCIAIS
FORMADORES
JAVIER ROCAMORA
Javier Rocamora García, (Elche, 1972) é consultor e formador especialista en marketing online, xestión de redes sociais e comercio electrónico. Leva toda a súa carreira profesional de 28 anos ligado ao mundo do marketing e das ventas, centrado no entorno dixital dende 2005.
Ten participado e dirixido decenas de proxectos formativos e de consultoría para todo tipo de empresas, dende pemes ou micropemes a multinacionais. Ten colaborado con Red.es (Ministerio de Industria) no deseño, redacción e impartición de contidos para o programa de promoción de comercio electrónico “¿Vendes en internet?”, é colaborador habitual de distintas axencias de marketing dixital e ten desenvolto traballos tanto en sectores industriais (especialmente no sector de suministros para a industria pesqueira e equipamentos para hospitais, ambos a nivel europeo), empresas de servizos (Telefónica-Movistar, ING, Applus, Adecco, Unísono) como comerciais nos sectores da óptica, odontoloxía, fisioterapia, decoración, mobles, turismo (destacan campañas en redes sociais para Turismo de Galicia e a Federación Galega de Turismo Rural), hostelería, alimentación, grandes superficies (Vegalsa-Eroski, Media Markt, Leroy Merlin, Carrefour), perfumería, moda e complementos, xoiería, farmacia, adegas, formación e educación privada, saúde pública, artesanía, construcción, recambios do automóbil, seguros, alimentación… e moitos máis
Foi docente en diversas edicións de Másters MBA e Másters en Dirección Comercial e Marketing e imparte con regularidade cursos formativos para a Cámara de Comercio de Santiago de Compostela e diversas asociacións empresarias de toda Galicia. Ten organizado varias edicións de cursos de Community Manager coa colaboración de profesionais de prestixio.
É conferenciante habitual en foros e congresos, tanto en Galicia como no resto do país, e colaborador na revista dixital Marketing4Ecommerce, onde escribe artigos con regularidade.
DANI MARCOS
Dani Marcos Rodríguez, é fotógrafo en Cangas que está especializado en fotografía social e de estudio.
Un fotógrafo que aposta por unha fotografía real e natural, tentando sempre dar un enfoque diferente, innovador e desenfadado ás reportaxes que realiza. Céntrase en captar os sentimentos e a complicidade conseguindo unha imaxe que conecta cos clientes e cos espectadores. O seu traballo ten como obxectivos impactar e facer que a súa imaxe funcione perdurando no tempo.
Na súa faceta de formador destaca por ser un comunicador ameno e cercano aos seus alumnos e busca que ao finalizar os cursos os asistentes sexan autosuficientes cos seus medios fotográficos, chegando a entender os elementos e factores que crean unha imaxe e podendo prescindir así dos automatismos por completo.
Actualmente imparte e impartiu cursos de inicio á fotografía para particulares, así como para a Deputación de Pontevedra para o “Programa Conectadas”.
