02
Feb
2021
FECIMO COMEZA O PROGRAMA DE FORMACIÓN 2021: “FIDELIZA AO CLIENTE POST CONFINAMENTO”
Coa chegada en 2020 do COVID-19, asistimos a creación dun punto de inflexión no tecido comercial e industrial tal e como o coñeciamos.
Os peches, as restricións e o distanciamento veñen de crear e potenciar novos hábitos e formas de consumo, así como, modificar as relacións cliente-comercio, tal e como as coñeciamos.
Conscientes deste cambio de situación, dende FECIMO, queremos presentar unha proposta formativa de 20 horas coa que achegarvos o punto de vista técnico e profesional do noso relator, experto en relacións comerciais, Miguel Ángel Souto Fraga e que, sen dúbida, vos axudará a entender mellor esta nova realidade, crear novas estratexias e mostrarvos unha orientación adecuada para que poidades tomar as mellores decisións cara o futuro dos vosos negocios.
Presentámosche un curso de 12 sesións transversais con casos prácticos e obradoiros
QUE OBXECTIVOS TEN?
COMO SERÁ A SÚA METODOLOXÍA ?
O programa do curso será impartido mediante reunións en liña interactivas contando cun total de 12 sesións nas que cada unha estará dedicada a unha temática concreta. Estas funcionarán de xeito complementario, pero tamén foron deseñadas como unidades específicas para que aqueles asociados que non poidan asistir a algunha sesión, ou se unan a este programa formativo máis tarde, non dependan 100% dos coñecementos previos e poidan así aproveitar cada sesión que conforma a totalidade do curso.
O curso completo de 20 horas comezará o día 10 de febreiro tendo previsto o seu remate o 5 de maio. Estará formado por 12 sesións cunha duración de 1 h e 40 minutos divididas en 3 bloques, no que os primeiros 50 minutos estarán dedicados a unha exposición do docente en diálogo cos asistentes, o segundo bloque de 25 minutos tratará un caso práctico ou obradoiro, e os últimos 25 minutos estarán dedicados a un coloquio sobre o caso práctico e as conclusións.
O curso está previsto que se imparta nas seguintes datas:
en febreiro, os días 10, 17, 24
en marzo, os días 3, 10, 17, 24
en abril, os días 7, 14, 21, 28
e en maio, o día 5
QUE CONTIDOS TEN?
No temario, dividido en 12 sesións correspondentes a cada día de formación, traballaranse os seguintes campos con casos prácticos reais de negocios semellantes aos participantes:
1. ENTENDENDO AO “NOVO” CLIENTE DESCONFINADO. Claves para vinculalo.
2. REENFOCAR PARA FIDELIZAR: CHEQUEO AO MEU NEGOCIO.
3. CARA A CARA CO “NOVO” CLIENTE DE SEMPRE. Comunicación presencial.
4. VENDER POLA VOZ: Comunicación na fala e no teléfono.
5. MENSAXES QUE VENDEN. Comunicación escrita.
6. COIDARSE PARA VENDER. A persoa empresaria: o corpo e o equilibrio.
7. A VENDA NACE NA MENTE. A mentalidade da persoa empresaria.
8. NEUROVENDAS: Os clientes compran pola razón?
9. MAGOS DOS CONFLITOS. As queixas e reclamacións.
10. PROMOCIONARSE SEN ARRUINARSE: Co-Marketing e Publicidade.
11. DIXITALIZARSE CON SENTIDIÑO: Primeiro estratexia, despois ferramentas.
12. A FELICIDADE NO NEGOCIO LOCAL. Traballo e vida persoal.
Miguel Ángel Souto Fraga
Será o docente encargado das formacións.
Licenciado en Ciencias da Información e Executive MBA pola Escola de Negocios Caixanova-IESIDE.
Conta con 25 anos de carreira directiva multisectorial, sempre nos campos das vendas, marketing e comunicación, e como Director Comercial ou en Marketing de empresas como SARGADELOS, LA VOZ DE GALICIA, DIARIO DE PONTEVEDRA, ENGEL & VÖLKERS INMOBILIARIA ou a cadea de XOIERÍAS CALVO.
