O Samaín chega a Cangas cunha aventura que non esquecerás.

Do día 27 ao 31 de outubro as rúas e tendas da vila de Cangas converteranse nun taboeiro cheo de enigmas, cadeados, caixas e mensaxes ocultas.

A Santa Compaña volve camiñar… e ti poderás seguir o seu rastro.

Queres participar?

Forma equipo, colle o mapa e percorre o centro de Cangas cheo de probas misteriosas.

Descifra códigos, abre caixas, resolve acertixos e completa o ritual antes de que a última candea se apague.

Cada paso achegarate á salvación…ou ao Alén.

Os máis rápidos recibirán premios e agasallos sorpresa.

Cando?

Do 27 ao 31 de outubro de 2025

Luns a xoves: 10:00h-14:00h / 16:00h- 20:30h

Venres 31: 10:00h – 14:00h (antes de que caia o sol…)

Para quen?

A partir de 12 anos.

A partir de 8 anos acompañados por un adulto.

Organiza

Pidopapas, proxecto galego de pasatempos e aventuras.

En colaboración co Concello de Cangas e ACICA.